មុខសញ្ញាសកម្មនៅ(ក្រុងតាខ្មៅ) រហ័សនាម អាម៉ូម ពូកែខាងចែកចាយថ្នាំញៀននៅក្រុងតាខ្មៅយ៉ាងសកម្មត្រូវ អស់លក្ខណ៍ហើយ

ចេញផ្សាយថ្ងៃទី២៥ ខែមិថុនា ឆ្នាំ២០២៥

 ជនសង្ស័យចំនួន៣នាក់ ត្រូវ នគរបាលក្រុងតាខ្មៅ ធ្វើការឃាត់ខ្លួន ករណី ជួញដូរ ដោយខុសច្បាប់នូវសារធាតុញៀន នៅចំណុចភូមិព្រែកឬស្សីលិច ក្រុងតាខ្មៅ ខេត្តកណ្តាល

ដោយអនុវត្តន៍តាមបទបញ្ជារបស់ លោកឧត្តមសេនីយ៍ទោ ឈឿន សុចិត្ត ស្នងការ នៃ ស្នងការដ្ឋាននគរបាលខេត្តកណ្តាល នៅយប់ថ្ងៃទី២៣ ខែមិថុនា ឆ្នាំ២០២៥ កម្លាំងជំនាញប្រឆាំងគ្រឿងញៀន ក្រុងតាខ្មៅ សហការជាមួយ ប៉ុស្តិ៍នគរបាល រដ្ឋបាលព្រែកឬស្សី ដឹកនាំបញ្ជាដោយលោកវរសេនីយ៍ឯក យី វណ្ណដា អធិការ នគរបាលក្រុងតាខ្មៅ ធ្វើការស្រាវជ្រាវ តាមនីតិវិធីជំនាញរហូត ឈានដល់ការបង្ក្រាប ឃាត់ខ្លួនបានតែម្ដង ។

ជនសង្ស័យចំនួន៣នាក់ 

ទី១-ឈ្មោះ គុយ សុវណ្ណារិទ្ធ ហៅ (ម៉ូម) ភេទប្រុស អាយុ៣៧ឆ្នាំ សញ្ជាតិខ្មែរ រស់នៅភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ ខេត្តកណ្តាល មុខរបរ មិនពិតប្រាកដ វិជ្ជមាន(+) ជនសង្ស័យមានដីកាឱ្យចាប់ខ្លួនចំនួនពីរ ។

ទី២-ឈ្មោះ ម៉ៅ ម៉ារ៉ាឌី ហៅ (នៅ ) ភេទប្រុស អាយុ៤២ ឆ្នាំ ជនជាតិខ្មែរ សញ្ជាតិខ្មែរ រស់នៅភូមិព្រែកឫស្សីលិច សង្កាត់ព្រែកឫស្សី ក្រុងតាខ្មៅ ខេត្តកណ្តាល មុខរបរ មិនពិតប្រាកដ វិជ្ជមាន(+) ។

ទី៣-ឈ្មោះ មុជ សីហា ហៅហា ភេទប្រុស អាយុ៣៤ ឆ្នាំ ទីលំនៅមិនពិតប្រាកដ វិជ្ជមាន(+) ។ 

ចំណែកវត្ថុតាងដែលសម្ថកិច្ចដកហូតយកបានរួមមាន÷ ម្សៅក្រាមពណ៌សថ្លា សង្ស័យសារធាតុញៀន ប្រភេទ(ម៉ាទឹកកក)

ចំនួន០៦កញ្ចប់ មានទម្ងន់ ថ្នាំ ១៤១,៥៤ក្រាម ។ - ទូរស័ព្ទដៃម៉ាកSAMUNG ១គ្រឿង ។ ជញ្ជីងសម្រាប់ថ្លឹងថ្នាំញៀនចំនួន០ ១ ។ ម៉ូតូចំនួន០២គ្រឿង ប្រាក់រៀលចំនួន ៧២០០០៛ (ប្រាំពីរម៉ឺនពីរពាន់រៀល) និង កាបូបស្ពាយ ឯកសារផ្ទាល់ខ្លួនជនសង្ស័យ មួយចំនួនទៀត ។ 

បច្ចុប្បន្នជនសង្ស័យទាំង៣ និង វត្ថុតាងខាងលើ ត្រូវបានកម្លាំងសមត្ថកិច្ចជំនាញ កសាងសំណុំរឿង បញ្ជូនទៅតុលាការ ដើម្បីចាត់ការបន្តតាមនីតិវិធីច្បាប់ ៕