ចេញផ្សាយថ្ងៃទី២៩ ខែឧសភា ឆ្នាំ២០២៥
ភ្នំពេញ៖ ក្រុមអន្តរាគមន៍បង្ក្រាបបទល្មើសចលនាសត្វ នៃអគ្គនាយកដ្ឋានសុខភាពសត្វ និងផលិតកម្មសត្វ បានស្រាវជ្រាវ សើបអង្កេត រហូតកំណត់ ភិនភាគអត្តសញ្ញាណ រថយន្តមួយគ្រឿង បានដឹកស៊ុតមាន់ចេញពីប្រទេសវៀតណាម ត្រូវបានឃាត់និងដកហូតស៊ុតមាន់ចំនួន ៨៥ដុំស្មើនឹង២៥៥០០គ្រាប់ ។
ប្រតិបត្តិការនេះ បានធ្វើឡើងនៅ០៦និង៥០នាទីព្រឹក នាថ្ងៃទី២៦ ខែឧសភា ឆ្នាំ២០២៥ ក្រុមអន្តរាគមន៍បង្ក្រាបបទល្មើសចលនាសត្វ នៃអគ្គនាយកដ្ឋានសុខភាពសត្វ និងផលិតកម្មសត្វ បានចុះឃាត់ចាប់រថយន្តមួយគ្រឿង ម៉ាកSSANGYONG ISTANA ដឹកស៊ុតមាន់លើ ជិតរង្វង់មូលកួរស្រូវ សង្កាត់ព្រែកកំពឹស ខណ្ឌដង្កោ រាជធានីភ្នំពេញ។
